Ramassatge de las castanhas lo dimenge 12 d’octobre e degustacion lo divendres 17 d’octobre als Falabreguièrs!

Venètz nombroses per passar un bon moment.

Canton pedagogic :

• Pel talhièr òrt : avèm besonh de cartons grands (sens tencha) e d’agulhas de pin.
•  Classa Irena : Pensar a la tenguda d’espòrt lo jorn de l’espòrt !
• Classa Cristèl : A partir de diluns 06 d’octobre, Peggy serà remplaçada.
•  Classa Batista : Mercat de la classa lo dijòus 9 d’octobre, pensatz de portar de cauas  saladas e sucradas per la venda e de vos marcar per ajudar.
• Mercé de dintrar per la classa e non pas per la dormida (lo bilanç, las informacions e lo Garrigal seràn afichats sus la pòrta)
• La còla merceja los parents que se son cargats d’organizar la fèsta de la rintrada que nos permetèt de viure una serada plan conviviala.
• Lo dimars 14 d’octobre i aurà pas escòla lo tantòst : los regents participaràn a una consulta nacionala a prepaus dels programs novèls. Una gardariá serà assegurada mas las plaças seràn limitadas. Mercé de vos marcar.
• Avèm de besonh de cambis per las drolletas : culòtas, bragas, leggins (3-6ans)

Canton associatiu :

• Se qualqu’un pòt adobar l’armari de farmaciá …Es jol cobèrt .
• Dijòus 16 a 20h al teatre : pèca de teatre « Molièra en òc ». De o dire als regents per aver un prètz de grop.

Vocabulari :

Castanhas : châtaignes, causas saladas e sucradas : choses salées et sucrées, dintrar : rentrer – viure una serada : vivre une soirée de cambis : des changes bragas : pantalons
adobar : réparer